Home
انت هنا : الرئيسية » أخبار » و قالوا لبنان…

و قالوا لبنان…

قالوا البلد بأزمة
وقالوا لبنان السلام
والتعددية الها لزمة
والديمقراطية كلام
وعصابات معتصمة
والشعب هالابن الحرام
بيميل مع النسمة
وبيشرب حتى المُدام
وحكومة بإيدها عصمة
تهد البلد بالتمام
وتا حتى تمر الازمة
بدنا حركة من تمام
وتمام بالشكل زلمة
والعصمة بإيد المدام
وباسيل زاد العتمة
ودبح طيور الحمام
ووئام ملا طسمة
بدو الفرشة والحرام
يكشف عن راس الحرمة
تا ينشف زوم الحمام
وعون .. ملا نقمة
جانن هالابن الحرام
بدو الكرسي مرتسمة
ومكيرو تا يبلش كلام
وامل كلها مبتسمة
تركت عالحزب الملام
وجنبلاط بدو القسمة
وتايه لمين الغرام
بكل جلسة تارك بصمة
وكذباتو متل المنام
وكام وزارة محتشمة
ووزراء عالدنيا السلام
يا وطني هودي الحزمة
بدهم شي عبوي وحزام
تا يصيرو طبخة دسمة
ومن بعدا تحلى الايام
يا وطني شد الهمة
واطلع من تحت الركام
ولشعبك رد البسمة
تا نرجع احلى ايام
…..
غسان الحواط5

عن الكاتب

عدد المقالات : 1836

تعليقات (1)

اكتب تعليق

© 2013 جميع الحقوق محفوظة لجريدة الرأي العام ALRAI-AM

Design By Sage-Computers © 2013

الصعود لأعلى