بياع نسواني”قصيدة بقلم يوسف عيد

يا ريتني بياع نسواني

بلبس صبايا الذوق قمصاني

وتمرق عا إيدي لمسة الستات

وكارم عيون كبار دبلاني

وكلما بمحلي إنعجق أوقات

إفزع عا بنت تكون زعلاني

قاست شي كنزة وضاقت العروات

فوق الخصر من تحت رماني

ويلي محلي بتقصدو بالذات

وبتقول يا بو اليوس حيراني

عطيني عا ذوقك إلبس نكايات

بكل الصبايا الفيك علقاني

وحتى بلبسي تطلع الموضات

ومتلي ما تلبس بنت جهلاني

كلما عا خصري دابت الشهوات

عيون الخليقة تصير ورماني

بدي القصير يشعل النهدات

وتحتو المخزق نار شعلاني

وحتى بقربي تطفش زبونات

حكيلي شو كتاب شعر منشاني

سمعت لكانو من قبل ساعات

عنك بقولو شاعر غناني

قلت وكأني بدهشة النحات

لنطرو وقالو لبس الغنوج

عرفوا بقلبي عشق روماني

الشاعر يوسف عيد

Be the first to comment

Leave a Reply

Your email address will not be published.


*